القائمة الرئيسية

الصفحات

أخبار

كتاب إلى الله رحلة في خمسة أيام تأليف أمير منير تحميل pdf

 كتاب إلى الله رحلة في خمسة أيام تأليف أمير منير

كتاب إلى الله رحلة في خمسة أيام تأليف أمير منير تحميل pdf
كتاب إلى الله رحلة في خمسة أيام  
كتاب رائع و روعته فى بساطه الخطاب الدينى و التنميه البشريه فيه بشكل يصل الى القلب و العقل كلماته علقت فى ذهنى و لمست قلبى :- ان تهتم بالزاد حتى تبلغ بر الامان انها خلطه سريه بين الخوف و الرجاء يقودها حب الله و اثناء الطريق نستعين بالله و الصحبه الصالحه و نصبر على انفسنا و على الابتلاءات تحياتى للكاتب فى اول انتاج له و لو انه منتشر و له متابعين كمان ان طريقه الكتابه لا تختلف كثيرا عن سرده فى فيديوهات و هى صعبه الى حد ما ان تنجح فيما تكتب كانك تقوله

بقلم نور كمال كتاب حلو جدا. خفيف، لطيف، و متنوع كده في طريقة كتابته ف مش ممل خالص. كمان لو انت عارف أمير منير هتكون بتقرأ الكتاب بصوته و هو دمه خفيف جدا ف الكتاب حلو.

مميزات الكتاب: إلى الله رحلة في خمسة أيام

-متقسم حلو جدا و عجبني جدا انه بيقول لك انك فعلا تقرأه على خمس ايّام، كل يوم بموضوع (خطوة) مختلفة الى الله. يعني في نهاية كل يوم كان يقول خلاص سيب الكتاب و اشوفك في يوم تاني. الحلو في كده انه بيدي فرصه للواحد يستوعب اللي قرأه و يعكس كل حاجة على نفسه و تفكيره.

- طبعًا الأحاديث و الآيات المستخدمة في الكتاب حلوة جدا و مشروحة بطريقة مبسطة و كمان مش زائدة اوي ف تفصل تسلسل القراءة ... لا. ف ده كان حلو جدا.

- استخدم الكاتب قصص قصيرة من زمن الرسول عليه الصلاة و السلام عشان يوصل نقطة معينة، و كان بيخلي بطل القصة غامض لحد النهاية، انا الصراحة ما كنتش اعرف كذا قصة ف كنت بتفاجئ و كنت ببقى مستمتعة جدا عشان القصة بتخلي في عامل تشويق و مش كله كده كلام و خلاص. و كمان عناوين القصص ديه كانت غامضة كده و مشوقة.

- في الكتاب أنشطة عملية بعد كل يوم. ده كان من احلى الحاجات. هو مش مجرد كتاب نظري و خلاص، الأنشطة ديه كانت سهلة و لكن بتفتح طريق جميل الى الله. و كمان في مكان تكتب فيه الأنشطة ديه. رائع بمعنى الكلمة. و في تطبيقي للأنشطة ديه رجعت للكلام عشان أراجع حبة حاجات.

- الكتاب جميل. هادي جدا. فعلا يحببك في الله. الكتاب كله بيطمنك. بيقول وقعت؟ مش مشكلة، ارجع قوم تاني. و ديه كانت اهم حاجة عندي الصراحة. و شايفة ان ديه الطريقة اللي لازم نتكلم بيها عن الدين. و لكن الكتاب مش بس حب في الله، هو كمان فيه خوف. و أمير منير فعلا بارع في انه يوصل التوازن ما بين الخوف و الرجاء الى الله عشان الواحد يبقى على الصراط المستقيم. عجبني جدا انه فضل كتير يحببك في الله، و استخدامه اللطيف للغة فعلا وصل لي معاني الحب الجميلة. و رجعت قريت الحتة ديه كلها من جمالها. اتأثرت جدا، و بقيت بعيش يومي و انا بفكر في الله و جماله و انه فعلا بحب اتكلم معاه و بأشتاق أقابله في الصلاة (مع اني عندي مشكلة في الانتظام في الصلاة)، فلعل الكتاب ده يكون السبب في اني انتظم ان شاء الله. و في نفس الوقت عندي خوف من الله، و عارفة عاقبة السيئات بسبب ذكره للقبر و يوم القيامة. و ده اداني حافز اكبر و اكبر اني اجتهد في العبادات لأنه ذكر القبر و يوم القيامة بالثواب و العقاب، مش بس العقاب. طبعًا ديه كانت اصعب اجزاء للقراءة و لكن لابد منها، و هو ذكي انه كان بيفصل بالثواب و نعيم المتقين، مش بس العقاب.

ربنا يبارك لأمير منير و يجعل الكتاب ده في ميزان حسناته بقدر كل حرف كتبه و أضعاف اضعافه.

غلاف كتاب إلى الله رحلة في خمسة أيام

كتاب إلى الله رحلة في خمسة أيام تأليف أمير منير تحميل pdf
كتاب إلى الله رحلة في خمسة أيام أمير منير 

معلومات الكتاب إلى الله رحلة في خمسة

مؤلف الكتاب أمير منير
لغة الكتاب اللغة العربية
دار النشر دار الرواق للنشر والتوزيع
عدد صفحات الكتاب 308 صفحة
تصنيف الكتاب ديني

تحميل pdf كتاب إلى الله رحلة في خمسة أيام

reaction:

تعليقات