القائمة الرئيسية

الصفحات

أخبار

كتاب ذكر شرقي منقرض للكاتب د محمد طه

 كتاب ذكر شرقي منقرض - محمد طه

تحميل pdf كتاب ذكر شرقي منقرض تأليف محمد طه archive
كتاب ذكر شرقي منقرض
كعادة د. محمد طه.. كتاب بالعامية المصرية.. لغته سهلة و بسيطة او مُبسطة بيحاول يكون فيها صريح وصادم بس بهدوء و بدون أفورة.. الكتاب عنوانه يبدو فيها هجوم علي عشيرة ال y كروموسوم و ان كنت بشوف عكس كده.. - هقول ليه-

الكتاب بيتكلم عن العلاقات عموما بس من خلال علاقة الزواج.. ف اختيار الزوج بالنسبة للبنت ف هي اختارت أب لبنتها و اختارت حماه لنفسها و هتخلف ولد يبقي اخ للبنت دي و هي نفسها هتبقي حماه في يوم من الايام و تلف الدايرة..

اختصارا.. هو بيفوق كل شخص شاءت الاقدار انه يملك y chromosome و بيقوله ان ده مش دليل رجولة خالص.. الرجولة شئ لا يورث بالجينات ولا يكتسب علي كبر.. ده شئ بتتعلمه علي مدار عمرك.. وان اللي هتتجوزها دي زوجتك/شريكتك.. انت مش ابوها ولا هي بنتك الطفلة اللي بتضربها و تعاقبها اما تغلط و تقولك حاضر و نعم.. ولا انت اشتريتها من السوق.. و هي بردو مش مامتك اللي مفروض تربيك و تاكلك و توديك المدرسة و تعتمد عليها ف كل حاجة و بعدين بدأ يكلم البنات اللي بشوف ان الكتاب ده موجه ليهم اصلا لاني مقتنعه ان اول عدو للمرأة.. هو المرأة بردو..

بيقولها ان زوجك مش والدك للاسف معلش.. هو زيه زيك ف الشراكة دي.. متستنيش انه يفكر و يقرر و انت ماشية مغمضة ملكيش اي دور.. هو مش واخدك يصرف عليكي و تاكلي و تشربي وشكرا.. مفيش حاجة اسمها هو بيخونك علشان انت مقصرة.. او هو بيضربك علشان استفزتيه.. واللي تقولك كده "اضربيها بالقلم.. ده رأيي مش رأي الكاتب ...كمان هو مش ابنك.. مش مطلوب منك تعامليه علي انه طفل صغير وانت شايله كل المسئوليات بتاعه البيت..

ولكل ام بردو.. ابنك ف وقت معين مفروض يبقي راجل.. مفروض يعني.. ف مش مفروض انك تبقي انت سيدة البيت التاني لدرجة غيرتك من مراته.. و مفروض و هو طفل يتعلم انه زيه زي اخته البنت.. مش هو مسموح له يغلط.. علشان ولد.. و كلمته تمشي علشان ولد.. و ليه كل الامتيازات.. علشان عنده y chromosome .. انت بتربي كائن كل ست هتقابله في حياتها هتدعي عليكي.. ف خافي من ربنا...

والجميل ف الموضوع.. انه ف كل مرة بيوضح ازاي الناس بيلبسوا كل الاخطاء و الامراض النفسية دي بغطاء ديني.. وازاي بيبرروا كل ده و بيعملوه باسم الدين.. كتاب جميل.. و يستاهل.. مراجعة بقلم آية حسن

غلاف كتاب كتاب ذكر شرقي منقرض

تحميل كتاب ذكر شرقي منقرض pdf ابجد
كتاب ذكر شرقي منقرض

نبدة عن كتاب ذكر شرقي منقرض

فيه فرق كبير بين الرجولة والذُّكورة..
الذُّكورة هي النوع.. الرجولة هي الفِكر.. الذُّكورة هي الجنس.. الرجولة هي السلوك.. الذُّكورة هي البيولوجيا.. الرجولة هي الموقف.

هذا الكتاب ليس عن "الرجل الشرقي"، الذي سمعنا عنه وعرفناه قديمًا.. بل هو عن "الذَّكَر الشرقي" الذي تسلل إلينا مؤخرًا، وعاش بيننا بديلًا عنه.. تلك النسخة الباهتة في ألوانها، والمُشوَّهة في ملامحها. "الذُّكورية الشرقية"- بهذا الشكل وذلك السلوك- مرض صعب جدًّا.. مش بس مرض.. دي مُتلازمة مَرضية كاملة.. تبدأ من تربية الآباء والأمهات لأبنائهم وبناتهم.. وتنتهي نهايات مأساوية مُجحِفة للجميع.

الكتاب دة هيحاول يقرب.. ويستعرض.. ويحلِّل.. ويفهم.. أعراض، وأنواع، وأسباب، ومُضاعفات "الذُّكورية الشرقية".. ويقدم رؤى واقعية لتغيير وعلاج هذه المُتلازمة المَرضية المستعصية.

والحقيقة إن هذا التغيير.. لو ما بدأش يحصل من الآن.. فتأكدوا... إن هذا الديناصور البشري الضخم.. لو لم يُدرِك.. ويفهم.. ويتطور.. ويقوم بتفكيك.. وإعادة تركيب نفسه من جديد.. فلن يكون له أي مكان، سوى ركن بعيد مُختَفٍ، في أحد متاحف العالم، تحته لافتة صغيرة مكتوب عليها بخط غير واضح:

معلومات كتاب ذكر شرقي منقرض

مؤلف الكتاب: محمد طه
عدد الصفحات: 344
سنة النشر: 2021
دار النشر: الشروق للنشر والتوزيع
تصنيف الكتاب: جديد الكتب
ردمك 9789770936788

قراءة كتاب ذكر شرقي منقرض

حقوق النشر محفوظة لا يمكن معاينة كتاب ذكر شرقي منقرض أو تحميله حفاظاً على حقوق نشر المؤلف و دار النشر

شراء كتاب ذكر شرقي منقرض النسخة الورقية من موقع عصير الكتب

reaction:

تعليقات